Məhsul haqqında anlayış

Hidrokarbon resin və aluminium piqment əsaslı bir komponentli son qat boya olaraq, yüksək parlaqlığa və dekorativ görünüşə malikdir. Metal səthlərdə yüksək adgeziyası ilə fərqlənən bu boya atmosfer təsirlərə, neftə və neft məhsullarına, günəş şüalarına dayanıqlı və uzun ömürlüdür. Günəş şüasını əks etdirib yayaraq metal səthləri, anqarları, dam örtüklərini qızmadan qoruyur.

Tətbiq sahəsi: Quru və dəniz obyektlərində istismar olunan iri və kiçik qabaritli metalkonstruksiyaların, neft-kimya sənayesində anqarların, tankerlərin, çənlərin və boruların, körpülərin, təmir olunan istehsalat sahələrində hər cür metal məmulatların, dam örtüklərinin, elektrik dayaqlarının və s. qara, paslanmaz, sinklənmiş metal səthlərin üzərinə son qat boya kimi vurula bilər. Aluminium boyası düzgün astarlanmış səthlərin üzərinə vurularkən, atmosfer təsirlərə müqavimətini, dekorativ görünüşünü və parlaqlığını uzun müddət qoruya bilir.