Məhsul haqqında anlayış

Epoksi qətran əsaslı, iki komponentli, şüşə pullu, antikorroziv piqmentlərlə zəngin, minimum üzvi həlledici tərkibli, uzun ömürlü, aqressiv və atmosfer təsirlərə dayanıqlı astar, ara və son qat boya kimi istifadə edilir.

Tətbiq sahəsi: Yeni tikilmiş iri və kiçik qabaritli metalkonstruksiyalarda, dəniz obyektlərində, yüksək rütubətə və güclü aşınmaya məruz qalan duzlu su dalğası vuran metal səthlərdə, gəmi yanalma meydançalarında, neft platformalarında, gəmi və körpülərin tikintisində, kimya və neft-emalı zavodlarında, kanalizasiya sistemlərində, beton borularda və beton səthlərdə, təmir-bərpa istehsalat sahələrində ümumiyyətlə, yüksək kimyəvi və bioloji antikorroziv dayanıqlılıq tələb olan sahələrdə istifadə edilə bilər. Zavod şəraitində Azpolzon 0310 boyası ilə rənglənən konstruksiyaların tikinti-quraşdırma obyektlərə nəqli zamanı boya sürtünmə, aşınma və kiçik mexaniki təsirlərə qarşı müqaviməti yüksəkdir. Növbəti qatın obyektlərdə rənglənməsinə qədər metal səthini xarici təsirlərdən tam mühafizə edir.